ПРА ТЫХ, ЧЫЯ ПАМЯЦЬ ЖЫВЕ І ЗАЎСЁДЫ ЖЫЦЬ БУДЗЕ

З цягам часу і ў набліжэнні Вялікага свята паволі папаўняецца шэраг разнастайных мерапрыемстваў, прысвечаных 80-годдзю Перамогі ў Вялікай Айчыннай вайне. Не выключэнне і Гродзенскі абласны інстытут развіцця адукацыі, дзе заўсёды ўдзячныя аўдыторыі слухачоў павышэння кваліфікацыі шчыра рады далучыцца да святкавання знакавай і светлай падзеі ў жыцці роднай Беларусі, яе гістарычнай і культурнай спадчыны. Бо каму як не педагогу несці ў свет разумнае, высокае, вечнае, перадаваць у надзейныя  рукі юных сапраўдны скарб – мірную і квітнеючую Радзіму, укладаць у розумы і сэрцы дзяцей пароль неўміручасці праз кароткае слова МІР, што на любой мове свету і з вуснаў народа гучыць аднолькава голасна і люба?

Прыняць удзел у круглым стале пад назвай “Лічбы на сэрцы”, або Вялікая Айчынная вайна ў гістарычнай памяці народа” слухачам павышэння кваліфікацыі прапанавалі старшыя выкладчыкі кафедры адукацыйных тэхналогій Слінко Ігар Анатольевіч і Смолка Вікторыя Валер’еўна. Мэтай правядзення мерапрыемства стала не простая згадка пра гістарычныя падзеі ваеннага часу, але непасрэднае пранікненне ў жыцці-лёсы нашых землякоў – юных беларусаў, чыя мастацкая творчасць нарадзілася на полі бою, у эстрэмальных, нечалавечых умовах – у так званым свеце абсурду, дзе часта праяўляюцца самыя нечаканыя якасці і сцвярджаюцца высокародныя ўчынкі.

Кожная аўдыторыя заўважна ажыўлялася ў працэсе выканання шматлікіх практыкаванняў і пошуку адказаў на цікавыя пытанні: “Сем беларускамоўных вершаў, напісаных на вайне”, “Пяць беларускіх мастакоў-відавочцаў вайны”, “Дзесяць лепшых беларускіх фільмаў пра вайну”, “Восем беларускіх прыказак пра вайну”, “Трынаццаць беларускіх устойлівых выразаў у маўленні воінаў”, “Пяць беларускіх краявідаў, апаленых вайной”, “Згадайце лічбу з ваенных песень” і т.д. У сваіх сшытках для запісу педагогі сімвалічна намалявалі вялікае сэрца, на якім і пазначалі ўсе згаданыя лічбы, складалі іх паміж сабой і, дадаўшы незабыўнае “дзевяць”, атрымалі юбілейную дату – 80. Паміж рознымі этапамі практычнай часткі як фонавая музыка для натхнення гучала родная беларуская мова і шчыравала аўтарская паэзія – складзеная песня Вялікай Перамозе.