ЗДЗІЎЛЯЦЬ, ЗАХАПЛЯЦЬ, РАЗВІВАЦЬ

12 красавіка на базе дзяржаўнай установы адукацыі “Сярэдняя школа № 3 г.Ашмяны” прайшоў абласны семінар-панарама для метадыстаў вучэбна-метадычных кабінетаў, якія курыруюць выкладанне беларускай мовы і літаратуры, кіраўнікоў метадычных аб’яднанняў настаўнікаў беларускай мовы і літаратуры па тэме “Эфектыўны вопыт педагагічнай дзейнасці настаўнікаў-філолагаў па фарміраванні асобасных, метапрадметных і прадметных кампетэнцый вучняў на ўроках беларускай мовы і літаратуры”.

Як адзначыла метадыст упраўлення метадычнага суправаджэння адукацыйнага працэсу цэнтра дашкольнай, агульнай сярэдняй і спецыяльнай адукацыі інстытута Святлана Гузава, удзельнікі семінара пазнаёміліся з электроннымі адукацыйнымі рэсурсамі, распрацаванымі настаўнікамі Ашмяншчыны, з метадычным напаўненнем кабінета беларускай мовы і літаратуры для развіцця прадметных і метапрадметных кампетэнцый вучняў. Акрамя таго, абмеркавалі спосабы візуалізацыі вучэбнага матэрыялу падчас працы з тэкстам, як эфектаўны сродак фарміравання камунікатыўных кампетэнцый вучняў; вызначыліся з эфектыўнымі практыкамі арганізацыі краязнаўчай і даследчай дзейнасці, накіраванай на развіццё асобасных, метапрадметных і прадметных кампетэнцый вучняў; паўдзельнічалі ў майстар-класе “Здзіўляць, захапляць, развіваць: выкарыстанне прыёмаў інтэлектуальных гульняў на ўроках беларускай літаратуры з мэтай фарміравання метапрадметных кампетэнцый вучняў”.

Удзельнікі семінара адзначылі, што формы работы, інфармацыйная насычанасць мерапрыемства спрыялі абмену вопытам работы, павышэнню ўзроўня метадычнага досведу па заяўленай тэме.