РАЗВІЦЦЁ БЕЛАРУСКАГА МАЎЛЕННЯ ДЗЯЦЕЙ ДАШКОЛЬНАГА ЎЗРОСТУ

На базе Гродзенскага абласнога інстытута развіцця адукацыі адбыўся семінар-практыкум для выхавальнікаў ўстаноў дашкольнай адукацыі “Развіццё беларускага маўлення дзяцей дашкольнага ўзросту”.

Падчас семінару адбыўся змяcтоўны круглы стол “Нарматыўнае прававое і навукова-метадычнае забеспячэнне арганізацыі адукацыйнага працэсу на беларускай мове”, цікавы практыкум “Сучасныя падыходы да развіцця беларускага маўлення дзяцей дашкольнага ўзросту”, педагагічная майстэрня “Выкарыстанне арт-тэхналогіі «Паэтычная паштоўка»”, творчы майстар-клас “Папулярызацыя і пашырэнне беларускай мовы ва ўстанове дашкольнай адукацыі”. Удзельнікі адзначылі высокі арганізацыйна-метадычны ўзровень і практычную накіраванасць семінару.