ДА 140-ГОДДЗЯ З ДНЯ НАРАДЖЭННЯ ЯКУБА КОЛАСА

У Год гістарычнай памяці варта яшчэ раз звярнуцца да вытокаў і каранёў, да гісторыі і культуры Беларусі, да лёсаў выдатных дзеячаў, якія зрабілі вялікі ўклад у развіццё нашай краіны. У лістападзе 2022 года адзначаецца 140 год з дня нараджэння народнага пісьменніка – Якуба Коласа. Творы ўсімі вядомага пісьменніка перакладзены больш чым на 40 іншых моў. Жыццё і дзейнасць славутага творцы напоўнены любоўю і павагай да Радзімы і народа, клопатам аб захаванні культурных традыцый і самабытнасці беларусаў. Нягледзячы на стагоддзі, Якуб Колас і сёння застаецца зоркай першай велічыні на літаратурным небасхіле. З нагоды такой значнай для культурнага жыцця краіны падзеі, у бібліятэцы інстытута арганізавана кніжная выстава “Творчая спадчына Якуба Коласа”, на якой можна пазнаёміцца з творчасцю пісьменніка, а таксама з цікавымі фактамі яго біяграфіі. Запрашаем наведаць выставу!