РОДНАЯ МОВА – МОВА НАВУКІ

Метадыст цэнтра дашкольнай, агульнай сярэдняй і спецыяльнай адукацыі Святлана Гузава прыняла ўдзел у круглым стале “Актуальныя пытанні навучання беларускай мове ва ўстановах агульнай сярэдняй адукацыі”, які прайшоў у межах Тыдня роднай мовы “Як ты дорага мне, мая родная мова!”.

– Тыдзень роднай мовы завяршыўся знакавым мерапрыемствам для настаўнікаў беларускай мовы і літаратуры. Цудоўна, што філолагі Гродзеншчыны змаглі далучыцца да абмеркавання актуальных пытанняў у навучанні роднай мове, вызначыцца з новымі тэндэнцыямі ў методыцы прадмета, а таксама актуалізавалі свае веды па фарміраванні чытацкіх кампетэнцый вучняў, – адзначыла Святлана Уладзіміраўна.

Арганізатары, супрацоўнікі Нацыянальнага інстытута адукацыі, звярнулі ўвагу на новыя тэндэнцыі ў навучанні беларускай мове ва ўстановах агульнай сярэдняй адукацыі, а таксама спыніліся на пытанні “Асэнсаванае чытанне – аснова чытацкай адукаванасці вучняў”.