З ПАВАГАЙ ДА СЛОВА

21 лютага адзначаецца Міжнародны дзень роднай мовы, мэта якога абарона моўнай і культурнай разнастайнасці, заахвочванне шматмоўнай адукацыі, а таксама ўсведамленне моўных і культурных традыцый, якія грунтуюцца на ўзаемаразуменні, талерантнасці і дыялогу. Свята было заснавана ў лістападзе 1999 г. рашэннем 30-й сесіі Генеральнай канферэнцыі ЮНЕСКА па прапанове Бангладэш і адзначаецца з 2000 г.

Напярэдадні гэтага свята бібліятэка Гродзенскага абласнога інстытута развіцця адукацыі традыцыйна ладзіць выставу «З павагай да слова», дзе чытачы могуць пазнаёміцца з беларускамоўнымі выданнямі: падручнікамі, метадычнай літаратурай, празаічнымі і вершаванымі творамі беларускіх класікаў.

Запрашаем усіх жадаючых наведаць выставу!