ПА ГАРОДНI – КУЛЬТУРНАЙ СТАЛIЦЫ – ХУТКIМ КРОКАМ IДЗЕ ФЕСТЫВАЛЬ!

“Калі будзеце часта жыць “на колах”, шмат хадзіць і падарожнічаць, вы паглядзіце многае ў свеце...” –  мудрай парадай накiроўвае беларусаў Уладзімір Караткевіч, аўтар “Зямлi пад белымi крыламi”.

Але шчасце ў тым, што нам, гарадзенцам, асабліва на пачатку лета ездзiць далёка не абавязкова! Ёсць магчымасць цікава правесцi час у цэнтры маленькага Парыжа – маляўнiчага Прынёманскага краю – у вялiкай i дружнай шматнацыянальнай сям’i!

Сёлета першыя дні чэрвеня ўрачыста заяўляюць пра самы любiмы i самы творчы фестываль нацыянальных культур, які па добрай традыцыі склікае сяброў – прадстаўнікоў розных краін свету – на сваё пятнаццацігоддзе!

Па Гароднi – культурнай сталiцы –

Хуткiм крокам iдзе фестываль! 

У суквеццi народных традыцый

Ззяе летам Прынёманскi край! 

На падворкi, якiх незлiчона, 

Адусюль запрашаюць гасцей: 

Вабiць музыка песнi шматмоўнай,

Водар здобы склiкае дзяцей! 

Ля Каложы “Сяброўства алея” –

Маладзенькiя дрэўцы стаяць! 

Хай старонка ярчэй зелянее –

Доўг i дар нам яе аздабляць! 

Славу продкам-героям узнесцi –

Пад нязгасны, пад Вечны агонь

Не забудземся кветкi прынесцi, 

I падзяку, i нiзкi паклон! 

Бацька Нёман ласкава прытулiць

Нас усiх да сваiх берагоў! 

Хай па-брацку народы святкуюць:

Фестывалю пятнаццаць гадоў! 

Аўтарка – Смолка Вікторыя Валер’еўна,

старшы выкладчык кафедры адукацыйных тэхналогій