Не спыняе працы летам цэнтр асветы – ІНСТЫТУТ!

“Лета ты, лета прыгожа-квяцістае, колькі ты ўносіш аздобы з сабой!” – на пачатку любiмай пары года ўзнаўляюцца радкi народнага паэта Янкі Купалы!

Доўгачаканае, звонкае, бесклапотнае, спякотнае, сонечнае, сакавiтае, маляўнiчае – утвараецца ланцужок азначэнняў, мастацкiх i простых, што асацыююцца ў многiх з летам! Але надзвычай гарманiчна са словам “лета” спалучаецца высокае, шматзначнае – АСВЕТА!

Пакуль юныя беларусы атрымлiваюць асалоду ад вольнага часу на вялiкiх летнiх канiкулах, педагогi-асветнiкi з гарадзенскага краю не супраць апынуцца зноў у светлых аўдыторыях роднага iнстытута. Яны жадаюць наталiцца натхненнем у творчым дыялогу з нашымi выкладчыкамi, каб разам назбiраць, як шматкаштоўных пацерак, самых арыгiнальных iдэй для новага вучэбнага года!

Не спыняе працы летам

Цэнтр асветы – ІНСТЫТУТ!

Ля крынiцы новых ведаў

Летнiм днём шматлюдна тут!

Педагогi, зноў за парты,

Утварыце дружны клас!

Iнстытут заўсёды рады

Запрасiць на майстар-клас!

Зазiрне ў аконца сонца

Вас, руплiўцаў, павiтаць,

Хто стараецца бясконца

Юным душы прасвячаць!

Аўтарка – Смолка Вікторыя Валер’еўна,

старшы выкладчык кафедры адукацыйных тэхналогій