ЛІТАРАТУРНАЯ СУСТРЭЧА З МАЙСТРАМ СЛОВА

5 лістапада 2025 у Гродзенскім абласным інстытуте развіцця адукацыі адбылася літаратурная сустрэча з Таццянай Яцук, паэтам і перакладчыкам з балгарскай, рускай і калмыцкай моў, членам Саюза пісьменнікаў Беларусі, лаўрэатам Гродзенскай абласной прэміі І.І. Дубко ў намінацыі “Пісьменнік года” ў 2024 годзе, аўтарам шаснаццаці паэтычных выданняў з настаўнікамі беларускай мовы і літаратры горада Гродна.

У рамках сустрэчы прайшла прэзентацыя зборніка твораў “Прага цішыні” Таццяны Яцук, які выйшаў у выдавецтве “Беларусь” у серыі “Бібліятэка паэзіі”.

Удзельнікі адзначылі незвычайны лірызм, меладычнасць, эмацыянальнасць і дасканаласць твораў, уразіла тэматычнае багацце паэзіі, рознапланавасць і рознаўроставы падыход да кожнага зборніка паэткі. Глыбока і патрыятычна прагучала паэма “Калдычэва”, узнёсла і пранікнёна слухаліся беларускія песні, рамансы, вальсы на словы Таццяны Яцук, зацікавілі вершы-прысвячэнні класікам беларускай літаратуры.

“Знаёмства настаўнікаў з творчасцю сучаснікаў, абмеркаванне тэндэнцый і напрамкаў развіцця беларускай літаратуры спрыяе наладжванню прафесійных зносін”, – адзначыла Святлана Гузава, метадыст цэнтра агульнай сярэдняй адукацыі.