ДА ДНЯ НАРОДНАГА АДЗІНСТВА

Супрацоўнікі Гродзенскага абласнога інстытута развіцця адукацыі, слухачы павышэння кваліфікацыі, прадстаўнікі грамадскіх аб’яднанняў далучыліся да святкавання Дня народнага адзінства напісаннем рэспубліканскага дыктанту.

Такая патрыятычная акцыя ладзіцца ў нашай краіне чацвёрты раз і аб’ядноўвае ўсіх, хто захапляецца родным словам. Галоўная мэта акцыі – нагадаць аб глыбінным сэнсе Дня народнага адзінства, умацаваць пачуццё агульнасці, гонару за Беларусь і яе гісторыю. Тэкст дыктанта прысвечаны знакавым падзеям, якія спрыялі аб’яднанню краіны, гістарычнай праўдзе і памяці пакаленняў.

Тэкст для самаправеркі будзе апублікаваны на афіцыйных рэсурсах.

Удзельнікі ўспомнілі беларускі правапіс, усе прысутныя паспяхова справіліся з напісаннем, а таксама выказалі шчырыя словы ўдзячнасці арганізатарам мерапрыемства.