ДА МІЖНАРОДНАГА ДНЯ РОДНАЙ МОВЫ Ў ГРОДЗЕНСКІМ АБЛАСНЫМ ІНСТЫТУЦЕ РАЗВІЦЦЯ АДУКАЦЫІ ПРАЙШОЎ ТРАДЫЦЫЙНЫ ДЫКТАНТ

Працоўны дзень 21 лютага для супрацоўнікаў ГрАІРА пачаўся з віктарыны. Пры ўваходзе ў інстытут кожны мог праверыць свае веды ў беларускай мове і перакласці, напрыклад, слова з рускай мовы, ці працягнуць цытату класіка беларускай літаратуры, успомніць прыказку. За правільныя адказы, акрамя ўсмешкі і добрага настрою, удзельнікі віктарыны атрымалі салодкія падарункі. Дапамаглі ў арганізацыі віктарыны актывісты першаснай арганізацыі Беларускага рэспубліканскага саюза моладзі ГрАІРА. 

Потым супрацоўнікі інстытута, слухачы павышэння кваліфікацыі далучыліся да напісання Гродзенскага абласнога дыктанта. У гэтым годзе тэкст дыктанта прысвечаны 80-годдзю Перамогі ў Вялікай Айчыннай вайне. У аснову пакладзены ўспаміны Барыса Сачанкі пра сваё маленства.

“У тэксце дыктанта пераклікаецца адразу некалькі вельмі важных тэм. У дзяцінстве, падчас Вялікай Айчынай вайны, сям’я Барыса Сачанкі была выгнана ў Германію на работы. На доўгія два гады ён застаўся ў чужой краіне без магчымасці размаўляць на беларускай мове. Аўтар нагадвае нам, што самая вялікая каштоўнасць чалавека – гэта яго родная старонка, мірнае неба і магчымасць чуць, гаварыць на роднай мове” – адзначыла Святлана Гузава, метадыст цэнтра агульнай сярэдняй адукацыі Гродзенскага абласнога інстытута развіцця адукацыі. 

Напісанне дыктанта, прысвечанага Міжнароднаму дню роднай мовы, – гэта ўжо добрая традыцыя інстытута, магчымасць праверыць узровень валодання нормамі беларускай мовы, адучць яе мілагучнасць і самабытнасць.