ТЫДЗЕНЬ РОДНАЙ МОВЫ Ў АБЛАСНЫМ ІНСТЫТУЦЕ РАЗВІЦЦЯ АДУКАЦЫІ

У Гродзенскім абласным інстытуце развіцця адукацыі адбываецца тыдзень роднай мовы, у межах якога для педагогаў рэгіёна, слухачоў павышэння кваліфікацыі падрыхтавалі шэраг тэматычных мерапрыемстваў.

Адно з першых – лекцыя пад назвай “Родная мова ва ўстановах агульнай сярэдняй і дашкольнай адукацыі”. Педагогі разглядалі родную мову як фактар развіцця і выхавання асобы, універсальны сродак зносін, мысліцельнай дзейнасці і пазнання. Акцэнт быў зроблены на ўнікальнасць і самабытнасць беларускай мовы.

Яшчэ адзін аспект – гэта далучэнне дзяцей да духоўных каштоўнасцей і фарміраванне нацыянальнага светапогляду праз вывучэнне роднай мовы.

Лекцыя са слухачамі прайшла ў інтэрактыўным фармаце праз пытанні і адказы, віктарыны і гульні.