ЗАХАВАЕМ БЕЛАРУСКУЮ СПАДЧЫНУ РАЗАМ

23 жніўня на базе Навагрудскага дзяржаўнага гандлёва-эканамічнага каледжа адбылася навукова-практычная канферэнцыя «Навагрудскія чытанні: гісторыя і сучаснасць Навагрудскага краю», якая праводзілася ў рамках святкавання 980-годдзя першай летапіснай згадкі пра горад.

Яна сабрала прадстаўнікоў навуковай грамадскасці з Нацыянальнай акадэміі навук Беларусі, Гродзенскага дзяржаўнага ўніверсітэта імя Янкі Купалы, Гродзенскага абласнога інстытута развіцця адукацыі, устаноў адукацыі і музеяў вобласці.

У каферэнцыі прыняла ўдзел Вольга Ананька, метадыст упраўлення па суправаджэнні работы з дзецьмі, якія дасягнулі высокіх паказчыкаў у вучэбнай і грамадскай дзейнасці Гродзенскага абласнога інстытута развіцця адукацыі. Яна выступіла перад даследчыкамі з навуковым дакладам, адна з асноўных мэт якога – неабходнасць вывучэння і захавання гістарычнай спадчыны Беларускага Панямоння.