У нядзелю, 21 лютага, адзначаецца Міжнародны дзень роднай мовы, абвешчаны рашэннем ЮНЕСКА ў 1999 годзе.
Якуб Колас пісаў: " Ніякае багацце людзей не бывае даражэйшым за іх родную мову”. Дзень роднай мовы асаблівы для кожнай нацыі, кожнага народа, бо няма народа без мовы, няма мовы без яго носьбіта.
З нагоды свята ў бібліятэцы інстытута праходзіць выстава беларускамоўных выданняў "Народны скарб”. Галоўнае, што можна зрабіць для захавання сваёй роднай мовы – выкарыстоўваць яе ў жыцці і папулярызаваць сярод моладзі. Таксама ў бібліятэцы інстытута дзейнічае тэматычная выстава, прысвечаная беларускім пісьменнікам-юбілярам 2021 года. Гэтая выстава – лепшая нагода ажывіць у памяці імёны геніяў пяра, атрымаць асалоду ад іх дзіўных раманаў, апавяданняў і вершаў. Запрашаем усіх зацікаўленых наведаць нашы выставы!
Дзеля таго, каб наша мова гучала часцей, прапануем Вам паўдзельнічаць у анлайн-віктарыне "Смак беларускай мовы”. Спадзяемся кожны з Вас не толькі цікава, але і з карысцю правядзе час: нехта згадае забытыя мілагучныя словы, нехта, магчыма, спазнае новае для сябе, а хтосьці пацвердзіць свае цудоўнае валоданне роднай беларускай мовай.
