• 76 лет инситуту!
  • Международная конференция
  • Дополнительные ссылки
Как Вы оцениваете актуальность содержания на нашем веб-сайте?
Актуальное
Скорее актуальное
Не слишком актуальное
Совсем не актуальное

 
Дабрачынная акцыя ў падтрымку беларускай мовы, арганізатарам якой з’яўляецца ААТ «Лідскае піва», адбылася ў дыстанцыйным фармаце – праз YouTube – ў суботу, 6 чэрвеня. Сёлета ўдзельнікі змаглі не толькі бяспечна расставіць усе галкі над «ў», але і паспрыяць барацьбе з эпідэміяй COVID-19.
Сэнс праекта «Агульная дыктоўка» – папулярызацыя і ўшанаванне роднай мовы. Упершыню дыктоўку зладзілі ў 2017 годзе ў Нацыянальнай бібліятэцы. Тэму ў розныя гады сапорцілі Naviband, Shuma, акцёры Купалаўскага тэатра, рэжысёр Іван Пінігін, пісьменнікі Андрэй Горват і Людміла Рублеўская. У 2019-м годзе, дзякуючы радыётрансляцыі, праверыць свае веды змаглі не толькі беларусы, але і тыя, хто знаходзіўся ў ЗША, Польшчы, Расіі, Украіне. У 2020-м праект стаў яшчэ і дабрачынным: арганізатары аб’явілі аб тым, што пералічаць за кожнага удзельніка дыктоўкі на дабрачынны рахунак Міністэрства аховы здароўя па 5 беларускіх рублёў плюс загадкавую суму зверху за тых, хто атрымае 9 або 10 балаў.
Каб прыняць удзел у арфаграфічна-пунктуацыйным чэленджы, трэба было да 4 чэрвеня зарэгістравацца на сайце арганізатара, а потым дачакацца спасылкі на трансляцыю, якую дасылалі на на e-mail. Сёлета на дыктоўку была зарэгістравана рэкордная колькасць удзельнікаў – 2300 чалавек з 20 краін свету.
Зрабіць унёсак у барацьбу з эпідэміяй COVID-19, тым часам падтрымліваючы сябе ў метадычным і прафесійным тонусе, вырашылі і некаторыя супрацоўнікі цэнтра метадычнай і інфармацыйна-аналічнай работы Гродзенскага абласнога інстытута развіцця адукацыі, і 6 чэрвеня падключыліся да прамога эфіру, каб напісаць анлайн-дыктоўку. Нягледзячы на тое, што дыктант меў віртуальны характар, пісаць яго трэба было традыцыйным спосабам – на звычайным аркушы паперы ад рукі. Тэкст "Легенда пра аленя” быў прадыктаваны Аляксандрам Ільіным, салістам і аўтарам гурта NIZKIZ. Гатовую працу патрэбна было сфатаграфаваць і даслаць арганізатарам. Даведацца, на якую адзнаку была напісана праца, усе ўдзельнікі акцыі змогуць 19 чэрвеня.

Супрацоўнікі інстытута прынялі ўдзел у акцыі “Агульная дыктоўка”  Супрацоўнікі інстытута прынялі ўдзел у акцыі “Агульная дыктоўка”

Застаецца спадзявацца, што ўсе працы атрымаюць высокія адзнакі, дзякуюцы чаму імкненне дапамагчы беларускім медыкам будзе падвоена і прынясе ім шмат карысці.
Падрыхтавана па патэрыялах сайта https://34mag.net/post/agulnaya-dyktouka-2020-online
Вернутся

Copyright © 2012-2017, ГУО "Гродненский областной институт развития образования"
Сайт зарегистрирован в «Государственном регистре информационных ресурсов Беларуси» под №4141101381 от 09.06.2011.
  • Яндекс.Метрика
  • Рейтинг@Mail.ru