• prof
  • Премия качества
  • -->
  • Национальный образовательный портал
  • Центра песочной терапии «SAND ART»
Насколько сложно найти на нашем веб-сайте нужную информацию?
Очень просто
Скорее просто
Нормально
Скорее сложно
Очень сложно

 
 
27 лістапада 2019 года на базе дзяржаўнай установы адукацыі "Сярэдняя школа № 8 г.Слоніма” прайшла панарама педагагічнага вопыту "Сучасныя адукацыйныя тэхналогіі: эфектыўны вопыт выкарыстання” для спецыялістаў аддзелаў (упраўленняў) адукацыі, метадыстаў раённых вучэбна-метадычных кабінетаў, якія курыруюць выкладанне беларускай мовы і літаратуры.
З прывітальнымі словамі да ўдзельнікаў семінара звярнулася метадыст упраўлення метадычнага суправаджэння адукацыйнага працэсу цэнтра дашкольнай, агульнай сярэдняй і спецыяльнай адукацыі ДУА "Гродзенскі абласны інстытут развіцця адукацыі” Гузава С.У. Яна вызначыла парадак работы і праблемнае поле семінара. Творчую візітоўку "Адчыняе дзверы родны Слонім” прадставілі вучні дзяржаўнай установы адукацыі "Сярэдняя школа № 3 г. Слоніма”. З адукацыйнай прасторай Слонімскага раёна, прыярытэтнымі накірункамі дзейнасці ўстаноў адукацыі і дасягненнямі пазнаёміла прысутных выконваючы абавязкі загадчыка дзяржаўнай установы "Слонімскі раённы вучэбна-метадычны кабінет” Шмігіра А.А.
Вопыт работы настаўнікаў Слонімшчыны па выкарыстанні сучасных адукацыйных тэхналогій быў прадстаўлены тэматычнымі блокамі. Пачалі ўдзельнікі сваю працу на стылізаваным уроку беларускай літаратуры, які быў прадстаўлены настаўнікамі ДУА "Сярэдняя школа № 5 г.Слоніма”. З нетрадыцыйнымі формамі і метадамі на ўроках літаратуры ў відэааглядзе пазнаёміла прысутных намеснік дырэктара школы па вучэбнай рабоце Ціханава К.А. Як эфектыўна вывучаць літаратуру, як зацікавіць сучасных дзяцей творамі класікаў, ісці са сваімі выхаванцамі ў нагу і пры гэтым садзейнічаць фарміраванню не толькі прадметных, але і метапрадметных, і ключавых кампетэнцый? Пра гэта і многае іншае ўдзельнікі панарамы даведаліся на ўроку для дарослых "Ідэйны змест балады "Маці” Аркадзя Куляшова” (беларуская літаратура, 8 клас): выкарыстанне інтэрактыўных метадаў і прыёмаў на ўроку”, які правяла настаўніца беларускай мовы і літаратуры Карповіч З.І.
 
ПАНАРАМА ПЕДАГАГІЧНАГА ВОПЫТУ “СУЧАСНЫЯ АДУКАЦЫЙНЫЯ ТЭХНАЛОГІІ: ЭФЕКТЫЎНЫ ВОПЫТ ВЫКАРЫСТАННЯ”  ПАНАРАМА ПЕДАГАГІЧНАГА ВОПЫТУ “СУЧАСНЫЯ АДУКАЦЫЙНЫЯ ТЭХНАЛОГІІ: ЭФЕКТЫЎНЫ ВОПЫТ ВЫКАРЫСТАННЯ”  ПАНАРАМА ПЕДАГАГІЧНАГА ВОПЫТУ “СУЧАСНЫЯ АДУКАЦЫЙНЫЯ ТЭХНАЛОГІІ: ЭФЕКТЫЎНЫ ВОПЫТ ВЫКАРЫСТАННЯ”

Урок мовы для ўдзельнікаў семінара прайшоў таксама ў незвычайным для адукацыйнага працэсу фармаце – фармаце "Жывой бібліятэкі”, дзе ўдзельнікам было прапанавана "пачытаць” метадычныя кнігі: "Ад асацыятыўных картак на ўроках беларускай мовы да развіцця вобразнага мыслення і маўленчай культуры вучняў”; "Фарміраванне вобразных уяўленняў вучняў на ўроках беларускай мовы праз выкарыстанне прыёмаў мнематэхнікі”; "Візуалізацыя як сродак павышэння якасці філалагічнай адукацыі вучняў на ўроках беларускай мовы”. У ролі метадычных кніг выступілі настаўнікі школ г. Слоніма і Слонімскага раёна Захарчук І.У., Трутнева Л.У., Буй С.А.
Сучасныя тэхналогіі ў пазакласнай працы знайшлі адлюстраванне ў праведзенай Ганісеўскай І.П., настаўніцай ДУА "Сярэдняя школа № 8 г. Слоніма”, квэст-гульні "У педагагічным лабірынце”, якая мела на мэце прадэманстраваць гульнёвую тэхналогію, якая спрыяе свядомаму выбару вучнямі прафесіі педагагічнай накіраванасці. Не абышлі арганізатары панарамы і пытання папулярызацыі і пашырэння выкарыстання беларускай мовы ва ўстановах адукацыі раёна. Педагагічны і вучнёўскі калектыў ДУА "Сярэдняя школа № 8 г. Слоніма” прадставілі сістэму работы ў раёне па папулярызацыі роднай мовы, эфектыўныя формы і метады работы, запрасіўшы напрыканцы ўсіх на святочную дэманстрацыю.
Падчас правядзення панарамы працавалі выставы метадычных напрацовак педагогаў па заяўленай тэматыцы, матэрыялаў перыядычнага друку, дзе трансліраваўся вопыт слонімскіх настаўнікаў.
Удзельнікі панарамы змаглі рэалізаваць свае творчыя магчымасці праз удзел у акцыі "Чытаем разам”.
Вернутся

Copyright © 2012-2019, ГУО "Гродненский областной институт развития образования"
Сайт зарегистрирован в «Государственном регистре информационных ресурсов Беларуси» под №4141101381 от 09.06.2011.
  • Яндекс.Метрика
  • Рейтинг@Mail.ru