• ЦЕНТР КОММУНИКАТИВНЫХ ТЕХНОЛОГИЙ «УСПЕШНОЕ ОБЩЕНИЕ»
  • Аннотированный список
  • ЦЕНТР КОММУНИКАТИВНЫХ ТЕХНОЛОГИЙ «УСПЕШНОЕ ОБЩЕНИЕ»
  • консультационный пункт
  • prof
Как Вы оцениваете актуальность содержания на нашем веб-сайте?
Актуальное
Скорее актуальное
Не слишком актуальное
Совсем не актуальное

 
20 – 21 чэрвеня 2019 года ў ДУА "Акадэмія паслядыпломнай адукацыі” прайшоў рэспубліканскі семінар-нарада "Змест і арганізацыя метадычнай работы з кіраўнікамі і спецыялістамі сістэмы дашкольнай адукацыі”. На семінары выступіла Абрамчык С.А., метадыст упраўлення метадычнага суправаджэння адукацыйнага працэсу цэнтра дашкольнай, агульнай сярэдняй і спецыяльнай адукацыі ДУА "Гродзенскі абласны інстытут развіцця адукацыі”, з дакладам на тэму "Удасканаленне метадычнай работы па стварэнні ўмоў для сістэмнага, эфектыўнага працэсу самаадукацыі педагагічных работнікаў устаноў дашкольнай адукацыі”.
У межах семінара адбыўся рэспубліканскі фестываль педагагічных ідэй "Каб мова родная гучала”, на якім творчыя педагагічныя калектывы ўстаноў дашкольнай адукацыі ўсіх рэгіёнаў Беларусі дзяліліся напрацоўкамі па пытаннях папулярызацыі і пашырэнні сферы выкарыстання беларускай мовы ў адукацыйным працэсе. Ад Гродзенскай вобласці аўтарскімі калектывамі з Лідскага, Ваўкавысскага, Ашмянскага, Ленінінскага, Кастрычніцкага раёнаў былі прадстаўлены метадычныя матэрыялы (план тэматычнага тыдня па папулярызацыі беларускай мовы ва ўстановах дашкольнай адукацыі і метадычная распрацоўка ў межах тэматыкі фестываля).
Цікава і эмацыянальна насычана прайшлі майстар-класы, якія правялі Шут І.Т., намеснік загадчыка па асноўнай дзейнасці ДУА "ДЦРД № 1 г.Ліда”; Ірчыц Н.Ул., выхавальнік-метадыст ДУА "ДЦРД № 1 г.Ліда”; Літвінчык Т.А., выхавальнік-метадыст ДУА "Яслі-сад №78 г.Гродна”; Карповіч І.В., выхавальнік дашкольнай адукацыі ДУА "Яслі-сад №78 г.Гродна”. Адчуць прыгажосць і непаўторнасць беларускай мовы ўдзельнікі фестывалю маглі, наведаўшы інтэрактыўную віктарыну "Смак беларускай мовы”, якую правяла Вайткевіч А.В., намеснік загадчыка па асноўнай дзейнасці ДУА "Яслі-сад № 24 г.Ліда”.
У межах фестываля адбылася выстава, на якой былі прадстаўлены матэрыялы, якія выкарыстоўваюцца ў адукацыйным працэсе з мэтай фарміравання ў дашкольнікаў устойлівай цікавасці і станоўчых адносін да беларускай мовы, жадання авалодаць ёю, размаўляць на ёй. Экспазіцыя Гродзенскай вобласці выклікала вялікую цікавасць у ўдзельнікаў фестываля. Прываблівалі ўвагу і яркія, непаўторныя рукатворныя кнігі з ілюстрацыямі да беларускіх народных казак, выкананыя з фетру творчымі педагагічнымі калектывамі ўстаноў дашкольнай адукацыі Ваўкавыскага раёна, і цікавыя цацкі, дыдактычныя гульні, гульнявыя дапаможнікі, распрацаваныя педагагічнымі работнікамі Ашмянскага раёна, ДУА "Яслі-сад № 24 г.Ліда”, ДУА "Яслі-сад № 54 г.Гродна”.
Усе ўдзельнікі фестываля педагагічных ідэй "Каб мова родная гучала” атрымалі яркія ўражанні ад мерапрыемства і былі ўзнагароджаны сертыфікатамі ўдзельніка.
Вернутся

Copyright © 2012-2019, ГУО "Гродненский областной институт развития образования"
Сайт зарегистрирован в «Государственном регистре информационных ресурсов Беларуси» под №4141101381 от 09.06.2011.
  • Яндекс.Метрика
  • Рейтинг@Mail.ru