Конкурс праводзіцца ў адпаведнасці з Указам Прэзідэнта Рэспублікі Беларусь № 487 ад 25 кастрычніка 2011г. "Аб мерапрыемствах, прысвечаных 130–годдзю з дня нараджэння Янкі Купалы і Якуба Коласа” у мэтах рэалізацыі Плана мерапрыемстваў, прысвечаных 130–годдзю з дня нараджэння народных пісьменнікаў Янкі Купалы і Якуба Коласа, зацверджаннага Міністэрствам адукацыі Рэспублікі Беларусь 11.11.2011, выканання пункта 6 Плана мерапрыемстваў, прысвечаных 130-годдзю з дня нараджэння народных пісьменнікаў Янкі Купалы і Якуба Коласа, зацверджанага начальнікам упраўлення адукацыі Гродзенскага аблвыканкама і арганізацыі шырокага святкавання юбілею пісьменнікаў.  

Мэты конкурсу:

1.     папулярызацыя творчасці класікаў сусветнай і беларускай літаратуры Янкі Купалы і Якуба Коласа;

2.     выяўленне маладых таленавітых паэтаў, выканаўцаў, мастакоў; развіццё творчых здольнацей вучняў, выхаванне эстэтычнага густу.

Арганізатары конкурсу:

Упраўленне адукацыі Гродзенскага аблвыканкама;

Дзяржаўная ўстанова адукацыі "Гродзенскі абласны інстытут развіцця адукацыі”

Удзельнікі конкурсу: вучні 5-11 класаў устаноў агульнай сярэдняй адукацыі Гродзенскай вобласці

Умовы конкурсу: конкурс праходзіць у тры этапы:

І этап – школьны - верасень 2012 года;

ІІ этап - раённы - кастрычнік 2012 года;

ІІІ этап – абласны -  3 лістапада 2012 года.

Конкурс праводзіцца па чатырох намінацыях:

І – намінацыя - "Нам засталася спадчына”- дэкламатараў твораў Янкі Купалы і Якуба Коласа

1.1       Удзельнікі выступаюць у дзвюх узроставых катэгорыях:

       1-ая катэгорыя – вучні 5-6 класаў;

       2-ая катэгорыя – вучні 7-8 класаў.

1.2  Кожны раён прадстаўляе па 1 удзельніку ў кожнай узроставай групе – пераможцаў раённых адборачных тураў.

1.3  Кожны ўдзельнік выконвае два вершы: адзін верш Янкі Купалы і адзін – Якуба Коласа.

1.4  Удзельнікі не маюць права мяняць рэпертуар у ходзе конкурсу.

1.5       Працягласць выступлення да 5 хвілін.

1.6  Журы конкурсу  ацэньвае выступленні дэкламатараў у адпаведнасці з наступнымі крытэрыямі:

1)          выбар рэпертуару ў адпаведнасці з індывідуальнымі і ўзроставымі магчымасцямі школьніка;

2)          веданне твора;

3)          інтэрпрэтацыя аўтарскага перажывання і аўтарскай пазіцыі;

4)          агульны артыстычны выгляд;

5)          тэхніка і маўленне.

1.7       Заяўкі (Дадатак) дасылаюцца ў абласны аргкамітэт да 1 лістапада 2012 года.

ІІ – намінацыя - "І ў сэрцы нарадзіўся спеў...”– вершы маладых паэтаў, прысвечаныя юбілярам

2.1       Удзельнікі конкурсу - вучні 5-11 класаў.

2.2 Кожны раён прадстаўляе па 3 творы - пераможцаў раённага адборачнага туру.

2.3       Кожны ўдзельнік прадстаўляе свой верш у друкаваным выглядзе (на лісце фармату А4 (210х297), шрыфт Times New Roman – 14), указаць аўтра, назву і жанр твора.

2.4   Журы конкурсу ацэньвае работы ў адпаведнасці з наступнымі крытэрыямі:

1)    адпаведнасць твора тэматыцы конкурсу;

2)    арыгінальнасць раскрыцця тэмы, праяўленне аўтарскай індывідуальнасці;

3)    ідэйна-эстэтычны, жанрава-кампазіцыйны, моўны змест твора.

2.5   Вершы дасылаюцца ў абласны аргкамітэт разам з заяўкай (Дадатак) на ўдзел да 26 кастрычніка 2012 года.

ІІІ – намінацыя - "У вянок песнярам” - малюнкі да твораў Янкі Купалы і Якуба Коласа

3.1       Удзельнікі конкурсу - вучні 5-11 класаў.

3.2       Кожны раён прадстаўляе не больш 3 работ пераможцаў раённага адборачнага туру.

3.3       Кожны ўдзельнік прадстаўляе малюнак да твора юбіляра ў адпаведнасці з наступнымі патрабаваннямі:

1)     тэхніка выканання: жывапіс, графіка;

2)     матэрял: масла, гуаш, туш, аловак, акварэль і інш.;

3)     памер: 60х40 см;

4)     аснова: цвёрдая (ДВП, кардон), дэкаратыўная рамка, без шкла, з адваротнага боку павінны быць моцныя петлі;

5)     інфармацыя аб аўтары: з адваротнага боку ў правым ніжнім кутку на белай паперы (9х12) друкаваны тэкст з абавязковым указаннем назвы работы, тэхнікі выканання, прозвішча і імя аўтара, раён, назва ўстановы адукацыі, клас.

3.4   Журы конкурсу ацэньвае работы па наступных крытэрыях:

1)      адпаведнасць малюнка тэматыцы конкурсу;

2)      арыгінальнасць раскрыцця тэмы, праяўленне аўтарскай індывідуальнасці;

3)     тэхніка выканання;

4)     агульны мастацка-эстэтычны выгляд работы.

3.5 Заяўкі (Дадатак) і конкурсныя работы прадстаўляюцца ў абласны аргкамітэт да 26 кастрычніка 2012 года

ІV – намінацыя - "Нас слова Купалы і Коласа кліча…” - сачыненняў і эсэ, прысвечаных творчасці класікаў.

4.1       Удзельнікі конкурсу - вучні 9-11 класаў.

4.2       Кожны раён прадстаўляе па 3 работы  пераможцаў раённага адборачнага туру.

4.3       Патрабаванні да афармлення работ:

1)     работа выконваецца ў камп’ютарным наборы, на адной старонцы ліста фармату А4 (210х297), шрыфт Times New Roman – 14, інтэрвал 1,5, аб’ёмам – не больш за 5 старонак, палі – левае – 30мм, правае – 10мм, зверху – 20мм, знізу – 20мм;

2)      старонкі нумаруюцца арабскімі лічбамі зверху па цэнтры;

3)      тытульны ліст работы павінен змяшчаць наступную інфармацыю: поўная назва ўстановы адукацыі, назва сачынення (эсэ), звесткі аб аўтары (прозвішча, імя, клас).

4.4    Журы конкурсу ацэньвае работы па наступных крытэрыях:

1)      адпаведнасць зместу сачынення (эсэ) зададзенай тэме;

2)     доказнасць выказанай думкі, аргументаванасць палажэнняў, якія выказваюцца;

3)     змястоўнасць, паўната ахопу тэмы, завершанасць;

4)     лагічнасць і паслядоўнасць у выкладанні матэрыялу;

5)     дакладнасць, яснасць, вобразнасць мовы, адзінства стылю;

6)     карэктнасць цытавання;

7)     рацыянальнае спалучэнне матэрыялу мастацкага твора, літаратурнай крытыкі з уласнымі разважаннямі аўтара працы;

8)     пісьменнасць (захаванне арфаграфічных, граматычных і пунктуацыйных нормаў сучаснай беларускай мовы).

4.5      Заяўкі (Дадатак) і конкурсныя работы прадстаўляюцца ў абласны аргкамітэт да 26 кастрычніка 2012 года.

Узнагароджванне:у кожнай намінацыі (узроставай катэгорыі) прысуджаецца І месца - 1, ІІ месца - 2, ІІІ месца - 3.  Пераможцы ўзнагароджваюцца дыпломамі ўпраўлення адукацыі аблвыканкама, каштоўнымі прызамі.

Фінансаванне:

-        аддзелы, упраўленні адукацыі райгарвыканкамаў аплачваюць правядзенне раённага этапу конкурсу, транспартныя і камандзіровачныя выдаткі ўдзельнікаў абласнога этапу конкурсу і суправаджаючай асобы;

-        упраўленне адукацыі Гродзенскага аблвыканкама ўзнагароджвае пераможцаў дыпломамі, каштоўнымі прызамі, аплачвае харчаванне ўдзельнікаў, работу членаў журы.

Абласны этап конкурсу праводзіцца03 лістапада 2012 года на базе дзяржаўнай установы адукацыі "Гімназія №5 г.Гродна” (вул. Дамброўскага, 17, праезд ад аўтавакзала тралейбусам №3, аўтобусам №20 да прыпынку "Фарты”, аўтобусам №15 да прыпынку "Дом культуры "Юнацтва”).

Заезд, рэгістрацыяўдзельнікаў з 10.00 да 10.45 гадзін. Пачатак конкурсу ў 11.00 гадзін.

Абласны аргкамітэт:

Адрас: г.Гродна, 230011, вул.Гагарына, 6, каб 239,  ДУА "Гродзенскі абласны інстытут развіцця адукацыі” (Гузава Святлана Уладзіміраўна)

Кантактны тэлефон: 8 0152 52 13 19

Заяўка на ўдзел у абласным паэтычным конкурсе скачать...